தற்போது பயணிகள் நலன் கருதி சென்னை தாம்பரம் ரயில் நிலைய பராமரிப்பு பணி காரணமாக கூடுதலாக 70 பேருந்துகள் இயக்க போக்குவரத்துக் கழகம் திட்டமிட்டுள்ளதாக தகவல் வெளியாகியுள்ளது.

சென்னை தாம்பரம் ரயில் நிலைய பராமரிப்பு பணி

JOIN WHATSAPP TO GET DAILY NEWS

தாம்பரம் ரயில் நிலைய பராமரிப்பு பணி :

சென்னை தாம்பரம் ரயில் நிலையத்தில் இன்று (03.08.2024) முதல் வரும் ஆகஸ்ட் 14ம் தேதி வரை (14.08.2024) வரை பராமரிப்பு பணிகள் நடைபெற உள்ளது.

இதன் காரணமாக காலை 10.30 மணி முதல் பிற்பகல் 02.30 மணி வரையும், இரவு 10.00 மணி முதல் 11.59 வரை

சென்னை கடற்கரை ரயில் நிலையத்திலிருந்து தாம்பரம் மற்றும் செங்கல்பட்டு செல்லும் ரயில்கள் பல்லாவரம் ரயில் நிலையம் வரை மட்டுமே இயக்கப்படும்.

செங்கல்பட்டிலிருந்து சென்னை கடற்கரை செல்லும் ரயில்கள் கூடுவாஞ்சேரி ரயில் நிலையம் வரை மட்டுமே இயக்கப்படும் என தெற்கு ரயில்வே அறிவிப்பு ஒன்றை வெளியிட்டுள்ளது

கூடுதல் பேருந்துகள் இயக்கம் :.

அந்த வகையில் இந்த வழித்தடத்தில் பயணம் செய்யும் பயணிகள் நலன் கருதி இன்று முதல் ஆகஸ்ட் 14 ஆம் தேதி வரை தற்போது இயக்கப்பட்டு வரும் பேருந்துகளுடன்

கூடுதலாக பல்லாவரம் பேருந்து நிலையத்தில் இருந்து செங்கல்பட்டுக்கு 30 பேருந்துகள் இயக்கப்பட உள்ளன.

மேலும் பல்லாவரம் பேருந்து நிலையத்திலிருந்து கூடுவாஞ்சேரிக்கு 20 பேருந்துகள் இயக்கப்பட உள்ளன.

தாம்பரம் பேருந்து நிலையத்திலிருந்து தி.நகர் மற்றும் பிராட்வேக்கு 20 பேருந்துகள் என மொத்தம் 70 பேருந்துகள் கூடுதலாக இயக்கப்படும் என சென்னை மாநகர போக்குவரத்துக் கழகத்தின் சார்பில் தெரிவிக்கப்பட்டுள்ளது.

தமிழக மாணவர்களுக்கு குட் நியூஸ் – ஆகஸ்ட் 5ம் தேதி பள்ளி கல்லூரிகளுக்கு விடுமுறை – வெளியான முக்கிய அறிவிப்பு!!

போக்குவரத்து மாற்றம் :

இதனை தொடர்ந்து தாம்பரத்தில் ஏற்படும் போக்குவரத்து நெரிசலைத் தவிர்க்கும் விதமாக, கூடுவாஞ்சேரி வழியாக செல்லும் அனைத்து பேருந்துகளும்,

இந்து மிஷன் மருத்துவமனை பேருந்து நிறுத்தத்தில் ஆகஸ்ட் 14ம் தேதி முடிய தற்காலிகமாக நின்று செல்ல ஏற்பாடு செய்யப்பட்டுள்ளது.

அத்துடன் இந்த நாட்களில் முக்கிய பேருந்து நிலையங்களில் அலுவலர்களை நியமித்து பேருந்துகள் இயக்கத்தினை கண்காணிக்கவும் நடவடிக்கை எடுக்கப்படும் என சென்னை மாநகர போக்குவரத்துக் கழகம் சார்பில் வெளியிடப்பட்டுள்ள செய்திக்குறிப்பில் கூறப்பட்டுள்ளது.